Visita á Aula Aberta á Tecnociencia

O alumnado de 1º Bacharelato de ciencias do IES Terra de Soneira visitou este xoves 25/01/2024 a Escola Técnica Superior de Enxeñaría de minas e enerxía da Universidade de Vigo. Alí tivo a oportunidade de participar en varios obradoiros da Aula aberta á tecnociencia: o obradoiro de física re-creativa no que observaron como se forman, descompoñen e perciben as cores a partir da interacción da luz coa materia empregando os modos RGB e CMY e o obradoiro de combustión, onde coñeceron diferentes aspectos relativos a este tipo de reaccións a través de experimentos de formación de lapas de difusión, premestura ou deflagración. Xa pola tarde participaron no obradoiro de materiais, no que puideron palpar diversos materiais "intelixentes", con propiedades asombrosas, así como metais unidos por diferentes tipos de soldaduras como a soldadura explosiva.