Patiomorfose

 Este curso, o IES Terra de Soneira participará no proxecto Terra, un Plan Proxecta da Consellería de Educación en colaboración co Colexio Oficial de Arquitectos de Galicia que pretende mellorar o coñecemento do alumnado sobre os espazos que habitan.

Patiomorfose é o nome da iniciativa que o noso centro desenvolverá dentro de dito proxecto e que consistirá na transformación do patio para convertilo nun hábitat máis integrador para os rapaces.

O pasado venres 4 de novembro, arrancamos este ilusionante proxecto coa axuda de Mar, arquitecta de TREES_Ecosistemas, que axudou aos alumnos de 1° de ESO a reflexionar sobre que patio lles gustaría ter, as deficencias do espazo actual e as súas múltiples posibilidades.

A partir de agora, todos os cursos farán as mesmas reflexións, a partir das cales comezaremos a nosa Patiomorfose.